ଅଭିନେତ୍ରୀ ସୋନମ କପୁର ଚଳିତ ବର୍ଷ ଏପ୍ରିଲରେ ବିବାହ ବନ୍ଧନରେ ବାନ୍ଧି ହେବେ

bollywood ଅଭିନେତ୍ରୀ ତଥା ପ୍ରଖ୍ୟାତ ଅଭିନେତା ଅନୀଲ କପୁରଙ୍କ କନ୍ୟା ସୋନମ କପୁର ସୋନମ କପୁର ଚଳିତବର୍ଷ ଏପ୍ରିଲ ମାସରେ ବିବାହ ବନ୍ଧନରେ ବାନ୍ଧି ହେବେ ନେଇ ଖବର ଏବେ ଜୋର ଧରିଛି । ସୋନମ କପୁର ଓ ବିଜନେସମ୍ୟାନ ଆନନ୍ଦ ଆହୁଜାଙ୍କ ବାହାଘର ଖବର ନେଇ ମୁମ୍ବାଇ ମାୟାନଗରୀରେ ଏବେ ଚର୍ଚ୍ଚା ଜୋର ଧରିଛି । ଚଳିତ ବର୍ଷ ଏପ୍ରିଲରେ ବିବାହ ବନ୍ଧନରେ ବାନ୍ଧି ହେବେ ଅଭିନେତ୍ରୀ ସୋନମ କପୁର ଓ ବିଜନେସ ଟାଇକୁନ ଆନନ୍ଦ ଆହୁଜା ।

ରାଜସ୍ଥାନର ଯୋଧପୁରରେ ଏହି ବିବାହ କାର୍ଯ୍ୟକ୍ରମ ଆୟୋଜିତ ହେବ ବୋଲି ସୂଚନା ମିଳିଛି।। କେଉଁ ବିଶିଷ୍ଟ ଅତିଥିଙ୍କୁ ଏଥିରେ ସାମିଲ ହେବାଲାଗି ନିମନ୍ତ୍ରଣ ଦିଆଯିବ ସେଥିନେଇ ଓ ସର୍ମ୍ପକୀୟଙ୍କୁ ନେଇ ୩୦୦ଜଣଙ୍କ ତାଲିକା ପ୍ରସ୍ତୁତ ହୋଇଛି । ଗ୍ରାଣ୍ଡ ୱେଡିଙ୍ଗ ବଦଳରେ ଘରୋଇ ଓ ଗୋପନୀୟ ଭାବେ ଆୟୋଜିତ ହେବ ସୋନମ ଓ ଆନନ୍ଦଙ୍କ ବିବାହ ।ପୂର୍ବରୁ ଏମାନେ ନିଜ ବାହାଘର ଖବରକୁ ଏଡାଇ ଆସୁଥିବାବେଳେ ଏଥରକ କିନ୍ତୁ ଚୁପ ରହିଛନ୍ତି ପ୍ରେମୀଯୁଗଳ । ରୂପେଲି ପରଦାର ଏହି ରାଂଝଣାଙ୍କ ରିୟଲ ରୋମାନ୍ସ ଦେଖିବାକୁ ମିଳିବ ଆଗକୁ ।

                                             

୨୦୧୬ରେ ସୋନମଙ୍କ ପ୍ରେମ କାହାଣୀକୁ ନେଇ ପ୍ରଥମଥର ପାଇଁ ଚର୍ଚ୍ଚା ହୁଏ । ମିଡିଆ ସାମ୍ନାରେ କିଛି ଦିନର ଲୁଚକାଳି ପରେ ଶେଷରେ ନିଜ ସୋନମଙ୍କ ସିକ୍ରେଟ ଲଭଷ୍ଟୋରୀ ଉପରୁ ପର୍ଦ୍ଦା ଉଠେ । ଆନନ୍ଦଙ୍କ ସହ ହଲିଡେ ଟ୍ରିପର ଫଟୋରେ ନଜର ଆସିଲେ ସୋନମ । ପରେ ସୋସିଆଲ ମିଡିଆରେ ପ୍ରେମୀଯୁଗଳଙ୍କ ପ୍ରେମକାହାଣୀର ଖୁଲାସା ହୁଏ। । ପ୍ରଥମେ ଏହାକୁ ଅନୀଲ କପୁର ପସନ୍ଦ କରୁ ନଥିବା କୁହାଯାଉଥିଲା ହେଲେ ପରେ ସେ ରାଜି ହୋଇଥିବା ଜଣାଯାଇଛି