ବିଶ୍ୱସୁନ୍ଦରୀ ଐଶ୍ୱର୍ଯ୍ୟା ରାୟ ବଚ୍ଚନ ‘ଫାଷ୍ଟ ଲେଡିଜ୍‌’ ଆୱାର୍ଡ ରେ (First Ladies) ସମ୍ମାନିତ

ଶନିବାର ରାଷ୍ଟ୍ରପତି ଭବନରେ ଆୟୋଜିତ ହୋଇଥିବା ‘ଫାଷ୍ଟ ଲେଡିଜ୍‌’ (First Ladies) ଉତ୍ସବରେ ରାଷ୍ଟ୍ରପତି ରାମନାଥ କୋବିନ୍ଦ ନୀଳନୟନା ତଥା ପୂର୍ବତନ ବିଶ୍ୱସୁନ୍ଦରୀ ଐଶ୍ୱର୍ଯ୍ୟା ରାୟ ବଚ୍ଚନଙ୍କୁ ସମ୍ମାନିତ କରିଛନ୍ତି   । ଏଥିସହ ମହିଳା ଏବଂ ବାଳ ବିକାଶ ମନ୍ତ୍ରୀ ମେନକା ଗାନ୍ଧୀଙ୍କ ଦ୍ୱାରା ଆୟୋଜିତ ଲଞ୍ଚ ପାର୍ଟିରେ ମଧ୍ୟ ସେ ଯୋଗଦେଇଥିଲେ। ଏହି ଖବର ପ୍ରସାରିତ ହେବା ପରେ ଐଶ୍‌ଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି।

 ଏହି ଉତ୍ସବରେ ଦେଶର ଭିନ୍ନ ଭିନ୍ନ କ୍ଷେତ୍ରରେ କାମ କରୁଥିବା 111 ଜଣ ମହିଳାଙ୍କୁ ସମ୍ମାନିତ କରାଯାଇଥିଲା। ସେମାନଙ୍କ ମଧ୍ୟରେ ବାୟୋକୋନର ପରିଚାଳନା ନିର୍ଦ୍ଦେଶିକା କିରଣ ମଜୁମଦାର, ଭାରତର ପ୍ରଥମ ଅଟୋଚାଳକ ଶିଲା ଦାବରେ, ଦେଶର ସବୁଠାରୁ କମ୍‌ ବୟସର ଏବଂ କଶ୍ମୀରର ପ୍ରଥମ ମହିଳା ପାଇଲଟ୍‌ ଆୟେଶା ଅଜିଜ୍‌ ମଧ୍ୟ ସାମିଲ ରହିଥିଲେ। ସମସ୍ତ ମହିଳାଙ୍କୁ ପ୍ରଣାମ କରିବା ସହ ସେମାନଙ୍କ ବିନା ସୃଷ୍ଟିର ସୃଜନା କରିବା ଅସମ୍ଭବ ବୋଲି ରାଷ୍ଟ୍ରପତି କହିଥିଲେ। ଉତ୍ସବରେ ଉପସ୍ଥିତ ସମସ୍ତ ମହିଳା ଅସାଧାରଣ ବ୍ୟକ୍ତିତ୍ୱର ଅଧିକାରୀ ଏବଂ ଅନ୍ୟମାନଙ୍କ ପାଇଁ ପ୍ରେରଣାର ଉତ୍ସ ବୋଲି ସେ ମଧ୍ୟ ପ୍ରକାଶ କରିଥିଲେ